O Movemento polos Dereitos Civis informa da denúncia apresentada por M.I. contra un Inspector Xefe e vários axentes da Polícia Autonómica de Galiza por suposto seguimento, detención e rexistos domiciliários ilegais en Compostela.

“Do MpDC queremos dar a coñecer ante a opinión pública este novo e escandaloso abuso das forzas de seguridade; a Policía Autonómica non pode practicar detencións ilegais e realizar seguimentos e rexistros sen ningún tipo de autorización legal, nen ameazar a cidadáns, ao máis puro estilo mafioso, con posíbeis “problemas” indefinidos e fóra da Lei”, afirman os responsáveis da asociación.