O 4 de Decembro, Jorge del Cura e Julen Arzuaga -membros da Coordenadora para a Prevención da Tortura- xunto con Eric Sottas -Director da Organización Mundial contra a Tortura- apresentaron en Xenebra, no ámbito das Nacións Unidas, o relatório Violacións de Direitos Humanos no Estado Español, que recolle as recomendacións emitidas polos organismos internacionais mais prestixiosos e as conclusións da Conferéncia para a Prevención da Tortura de Febreiro de 2006.

No acto, auspiciado pola OMCT, denunciou-se asi mesmo a falta de transparéncia do governo español na implementación do Protocolo Facultativo das Nacións Unidas e mais en concreto a proposta de Leopoldo Torres Boursault, jurista de obscura traxectória profisional, como representante español no Subcomité Internacional, organismo que deverá estar formado por dez persoas de recoñecida experiéncia e prestíxio neste ámbito.

A Coordenadora tamén fixo chegar a sua preocupación a outras instituicións e organismos das Nacións Unidas.