O Comité Coordenador de Organizacións de Liberdade de Prensa fixo pública unha Resolución en apoio do xornalista José Luís Gutiérrez, “vítima de acoso xudicial durante mais dunha década nos tribunais do seu país”.

En 1996, Gutiérrez foi acusado de violar “o direito a manter a honra” de Hassan II, na altura rei de Marrocos, a seguir a publicación dunha crónica no xornal Diario 16 sobre o decomiso de cinco toneladas de haxixe nun camión propriedade da coroa marroquina. Apesar de a crónica citar fontes policiais e de ter sido demonstrada a sua veracidade, Gutierrez e Rosa López, autora da reportaxe, foron declarados culpáveis por catro tribunais españóis. Agora a sentenza está recorrida perante o Tribunal de Direitos Humanos de Estrasburgo.