A organización non gobernamental 'Save the Children' denunciou hoxe que o abuso sexual a menores por parte de traballadores humanitarios e forzas de paz é común e afirmou que os esforzos para protexer ás vítimas son inadecuados. Un estudo da organización non gubernamental feito público esta semana asegura que nas situacións de urxencia hai niveis significativos de abuso que na maioría dos casos non se denuncia, e agregou que, a menos que non se silencie, os intentos para eliminar a explotación "seguirán tendo fallos".


Save the Children baseou o seu informe en varias visitas efectuadas o ano pasado a Haití, o sur de Sudán e Costa de Marfil. O estudo descubriu un amplo rango de explotación e abuso: nenos intercambiando sexo por comida, sexo forzado, abuso sexual verbal, prostitución infantil, pornografía infantil, escravitude sexual, ataque sexual e tráfico de nenos. Informa GZnación.