"Un total de 104 presos suicidáronse nos cárceres españois entre os anos 2005 e 2008 e preto de 850 internos faleceron por causas naturais no mesmo período de tempo, segundo o informe do Defensor do Pobo correspondente ao pasado exercicio. Neste documento alértase ademais de que tres centros penais como o cárcere de Zuera (Zaragoza), o da Lama (Pontevedra) e o Psiquiátrico Penal de Alacante concentran un 36% dos suicidios.

Segundo os datos facilitados por Institucións Penais, deronse 33 casos deste tipo en 2005, 25 en 2006, 27 en 2007 e 19 en 2008. “Constatouse que nos Centros Penais de Zaragoza, A Lama e o Psiquiátrico Penal de Alacante concéntrase unha porcentaxe elevada de suicidios cando só aloxaban o 4% da poboación penal de 2008 concentran o que levou á Institución a animar a un estudo máis profundo das causas que puidesen dar lugar a esta realidade”, explica o informe.

No que se refire á evolución do número de suicidios, o Defensor do Pobo recoñece “o traballo desenvolvido pola Secretaría Xeral de Institucións Penais para reducir os falecementos por suicidio” nas cárceres.

Con todo engade que “este recoñecemento positivo non é óbice para que tamén de forma constante se recordese a necesidade de manter a atención sobre esta faceta da xestión”.

Pola súa banda, en relación aos falecementos por causas naturais, os datos achegados indican que entre os anos 2005 e 2008 morreron nas prisións españolas un total de 846 presos. En concreto, 201 internos faleceron en 2005, 218 en 2006, 202 en 2007 e 225 en 2008. A taxa por 1000 internos foi do 3,8 ao 3,7.", informa xornal.com .