A Conferéncia de Presidentes da UE acordou designar un comité do Parlamento Europeu para investigar as denúncias de detención e translado ilegal de prisioneiros nos países da Unión. Esta decisión terá que ser agora respaldada polo Parlamento Europeu que votará unha resolución o próximo dia 18 de Xaneiro en Estrasburgo.

O Comité deverá investigar se a CIA ou outros servizos de intelixéncia dos EUA cometeron actos ilegais (secuestros, detencións en centros secretos, tortura, maus tratos, etc.) en estados membros da UE ou candidatos à integración. Tamén investigará se algunha infraestrutura destes estados, aeroportos por exemplo, foi utilizada para realizar vós procedentes ou con destino países en que se pratican estas violacións dos direitos das persoas.