“Os EUA manteñen centenares de persoas desaparecidas en centros secretos de detención”, denuncia Amnistia Internacional no dia, 30 de Agosto, en que se lembra e todo o mundo a terrivel situación destas persoas.

“Apesar da presión internacional, o centro de Guantánamo continua funcionando e os EUA non recoñeceron ainda a existéncia de centros secretos de detención onde “prisioneiros fantasma” foron encarcerados de forma arbitrária, “desaparecidos” e submetidos a sofreren torturas e outros abusos.

Na esteira do exemplo dos EUA, países como Paquistán, Nepal, Sri Lanka e os estados indianos de Jammu e Cachemira, senten-se agora libres para facer “desaparecer” tamén eles persoas suspeitosas de terrorismo ou simples opositores incómodos. As desaparicións forzadas constituen unha violación de direitos humanos en si própria que pon a persoa “desaparecida” en perigo de sofrer novos actos de tortura e maus tratos”, subliñan.