Transcrevemos o escrito que un mui elevado número de persoas de todo o mundo, entre elas oito premios Nobel, dirixen a ONU solicitando esixa aos EUA o fechamento imediato dos centros de detención arbitrária que este país ten abertos en todo o mundo e o cesamento das reiteradas violacións à dignidade humana que nestes centros se pratica.

CESAMENTO DA HIPOCRISIA NO TEMA DOS DIREITOS HUMANOS

Coincidindo con a difusión de novas imaxes de torturas cometidas por militares estado-unidenses contra prisioneiros iraquianos, o próximo 20 de Marzo comezará en Xenebra o 62º período de sesións da Comisión de Direitos Humanos da ONU.

Estados Unidos e os seus aliados da Unión Europea impediron reiteradamente que esta Comisión se pronunciase contra as violacións masivas e sistemáticas dos direitos humanos promovidas en nome da chamada guerra contra o terrorismo.

Os governos da UE negaron-se a recoñecer os testemuños e provas apresentadas por persoas dos seus países que sofreron diversas formas de tortura na base naval de Guantánamo. Permitiron asi mesmo o tránsito de avións da CIA que transladavan prisioneiros para centros ilegais de detencion situados na própria Europa e noutras rexións.

As persoas que asinamos este escrito convocamos a intelectuais, artistas, activistas sociais e homes e mulleres de boa vontade a se uniren ao noso apelo: a Comisión de Direitos Humanos ou o Consello que a substituirá deve esixir o fechamento imediato dos centros de detención arbitrária criados polos EUA e o cesamento de todas estas flagrantes violacións da dignidade humana.

Para aderir ao manifesto: www.derechos-humanos.com; www.derechos-humanos.info; www.droits-humains.info; www.hhrr.info