”O Movemento polos Dereitos Civís remitiu un informe (Indefensión e violación do artigo 18 da Constitución: Dereito á Honra, a Intimidade e a Propia Imaxe) ao Parlamento Galego no que recolle a situación actual en materia de videovixiancia na Galiza, así como os casos máis destacados que se teñen producido nos últimos anos. O obxectivo do MpDC é lograr que o Parlamento actúe, dentro das súas competencias, para evitar que se continúen a producir nas nosas Administracións situacións de ilegalidade, que afectan principalmente aos dereitos fundamentais de todos os cidadáns, e que ata o momento, quedaron impunes en todos os casos”, informa o MpDC.