O pasado dia 5 de Maio tivo lugar a primeira sesión do Exame periódico universal ao Reino de España (mecanismo da ONU que analisa a situación dos direitos humanos). Durante tres horas os 47 estados membros do Consello encarregados do exame debateron con os representantes do governo español os seus principais motivos de preocupación.
As perguntas e recomendacións das delegacións coincidiron maioritariamente en asuntos como o racismo e a xenofobia, os direitos das persoas migrantes, a luita contra e impunidade e a memória histórica asi como a necesidade de se tomaren medidas para prevenir a tortura. En relación a este último, vários países mostraron a sua preocupación pola permanéncia do rexime de detención incomunicada, reiteradamente criticado por numerosos organismos internacionais.
Ver aqui mais información sobre esta primeira sesión.