"No Mundo hai 14,2 millóns de persoas refuxiadas -só o conflito do Iraque provocou 4 millóns duascentas mil-; 25 millóns de persoas deslocadas internas -das cais, 13 millóns viven en África- e 5,8 millóns de refuxiados palestinos sob o mandato da Axéncia das Nacións Unidas para os Refuxiados de Palestina en Oriente Próximo (UNRWA nas suas siglas en inglés)", afirma-se no relatório O direito ameazado que a CEAR-Euskadi acaba de publicar como parte da sua Campaña contra a vulneración do asilo no aceso à Europa.

A campaña reivindica as obrigacións do Estado español relativas ao cumprimento de non devolución (non-refoulement) das persoas refuxiadas nas actuacións de controlo e vixiláncia da fronteira sul da Europa e as suas responsabilidades con estas persoas en cumprimento da Convención de Xenebra sobre o estatuto dos refuxiados, a Convención contra a tortura e outros tratamentos ou penas cruéis, desumanos ou degradantes e o Convénio europeu para a protección dos direitos humanos e as liberdades fundamentais.