O 10 de Decembro, Dia Internacional dos Direitos Humanos, eran 49 os estados que tiñan asinado o Protocolo Facultativo à Convención contra a Tortura e 16 os que xa o ratificaran. Tendo en conta que con 50 estados asinantes e 20 ratificantes, comeza a conta atrás para o Protocolo iniciar os trámites da sua posta en funcionamento, é de esperar que a inícios do próximo 2006 se poda pór en marcha o proceso con a participación activa das persoas e asociacións que levan anos traballando pola eliminación desta lacra social.

A Association pour la Prévention de la Torture, organización de orixe suíza a que se deve en grande medida a aprovación dese Protocolo, salienta na sua páxina web, onde informa dia a dia do desenvolvimento da campaña mundial, o importante papel que desempeñaron no estado español os colectivos que integramos a Coordenadora para a Prevención da Tortura e afirma o seu compromiso de apoiar esta plataforma para garantir que o futuro comité de visita e controlo aos centros de retención conte con a participación activa de persoas e asociacións que garantan a eficácia do mecanismo.