Ainda que felizmente sen as graves consecuéncias da carga da noite do 24, tamén unha xornalista de El País, andaluza por sinal, tivo ocasion de comprovar a atitude pouco respeitosa con as liberdades democráticas e os direitos das persoas de que fixeron gala as forzas e corpos de seguranza do estado o dia 25.
Na Alameda compostelá, a xornalista perguntou a unha señora o camiño a seguir para chegar à Pescaderia Vella. Un agente da dotación anti-distúrbios que nese momento estava controlando unha concentración pacífica de independentistas, agarrou a xornalista  polo brazo: "Aqui no hay nada que se llame Pescadería Vella, se llama pescadería Vieja. Tú, que eres de fuera, deberías saberlo",  reprochou-lle. E concluiu: "Corre, no vaya a ser que te demos unas hostias".

Acto contínuo os axentes cargaron contra as persoas concentradas.
Fonte: El País.