“Ao remate da concentración de Pontevedra (diante da emisora da COPE), unha parella da policía abordou a dous rapaces que acaban de participar no acto solicitándolles que se identificasen “por ser sospechosos de participar en una concentración”. Un dos rapaces foi levado a comisaría por negarse a identificarse e ao preguntar os motivos polos que se lle requería a documentación, un dos axentes respondeu "no entiendo lo que dices. No sé lo que hablas", mentras que outro comentou “Estás en España, amigo”, en referencia a defensa do galego promovida durante a concentración. O detido permaneceu 45 minutos nas dependencias policiais e foi ameazado con ser denunciado por negarse a unha primeira identificación”, informa o Movemento polos Dereitos Civís.