COMUNICADO DE JUSTÍCIA I PAU
26/10/2009

Coincidindo con o 8º aniversário do início da intervención militar, Justícia i Pau fixo público un comunicado en que reclama a retirada das tropas internacionais de Afganistán. O texto foi dado a coñecer no decurso das Xornadas que, sob o título O Tabuleiro de Xadrez Mundial, tiveron lugar en Barcelona os dias 16-17 de Outubro con a presenza do prestixioso analista Tariq Ali.

Ler o artigo completo


EN DEFENSA DOS DIREITOS DE PERSOAS PRESAS
23/10/2009

Despois das violentas actuacións policiais contra a exibición de fotografias de persoas presas e as agresións sofridas por vários dos seus membros, a organización de familiares e amigos Etxerat solicita apoio para poder seguir realizando a sua actividade de defensa dos direitos das vascas e vascos presos.

"Temos direito a denunciar a situación dos nosos e nosas familiares presas, temos toda a lexitimidade para o facer e un amplo apoio en Euskal Herria. Queren converter o noso direito en delito, até se posicionaren mesmo en contra de instituicións como a ONU, Amnistia Internacional, en contra das declaracións dos distintos relatores das Nacións Unidas, da resolución do Tribunal de xustiza do País Vasco. E todo por nos termos posicionado a favor da repatriación a Euskal Herria dos presos e presas vascas, ou por denunciarmos a política penitenciária como vimos facendo nos últimos anos", afirman no comunicado en que dan a coñecer as próximas actuacións do colectivo para as que solicitan apoio público.

Ver aqui o texto do manifesto.

 

Ler o artigo completo


RELATÓRIO DE MIGREUROP
23/10/2009

No seu primeiro relatório anual sobre as violacións de direitos humanos nas fronteiras, Migreurop escolleu fixar-se en catro zonas onde a política da UE en matéria de imigración e asilo deixa ver os seus efeitos mais perversos: a fronteira greco-turca, a rexión do Calais no noroeste da Franza, a de Oujda no leste de Marrocos e a illa de Lampedusa no extremo sul da Itália.

O relatório alicerza na experiéncia e análise das organizacións de base que forman a rede e pasa revista aos efeitos das políticas con que a UE controla, retén, encerra e desumaniza as persoas que tentan atinxir as fronteiras europeas.  Tamén recolle as actividades dos movimentos de autoorganización de migrantes e o traballo solidário dos colectivos de apoio.

Ler aqui o relatório.

Ler o artigo completo


INFORME SOBRE A DETENCIÓN DE KARMELO LANDA
23/10/2009

O Grupo de Traballo sobre a Detención Artibrária das Nacións Unidas emitiu un informe en que asinala que "o único motivo de inculpación" existente contra Karmelo Landa é "a sua militanza no ilegalizado partido político Batasuna, un feito que en si non é delito senón o exercício de un direito humano recoñecido tanto pola Declaración Universal como polo Pacto Internacional de Direitos Civis e Políticos". Por esta razon e outras de carácter procesual, determina que a sua "privación de liberdade é arbitrária".

Foi a Asociación Española para o Direito Internacional dos Direitos Humanos quen denunciou a situación de Karmelo Landa perante o Grupo de Traballo sobre a Detención Arbitrária das Nacións Unidas. No relato que recolle o organismo internacional descreve-se unha suceson de feitos, en ocasións arrepiantes, sofridos por Karmelo Landa desde a sua detención e o seu encarceramento. Dá-se conta de viaxes entre distintas cidades despois da sua detención até chegar a Madrid, onde en nengun momento é interrogado. É encarcerado apesar de negar as imputacións e en prisión sofre tratamento vexatório, chegando a ser encerrado nu nunha cela con cascudas. Negan-se-lle todas as peticións que realiza e permanece isolado e incomunicado durante longos períodos de tempo. É transladado a Cáceres "pola sua má conduta", segundo xustifica o Governo español. Ademais, apesar de ser preso preventivo, é clasificado desde o primeiro momento -e asi continua- no Ficheiro FIES 1-3", informa Gara.

Ler aqui o informe.

Ler o artigo completo


CONFERÉNCIA NO LÍBANO
21/10/2009

O Centro de Estudos e Consultas Al-Zaytouna organiza unha importante conferéncia en que participarán especialistas como John Dugard, Anis Kassim, Abdallah al-Ashaal ou Paul de Waart e terá lugar os dias 4-5 Novembro no Crown Plaza Hotel de Beirut.
A conferéncia ten por obxectivo deitar luz sobre as violacións do direito internacional cometidas por Israel, facer con que a lexislación internacional teña en conta o conflito en Palestina e estudar a posibilidade de procesar Israel.

Mais información aqui.

Ler o artigo completo


NAVEGAVAN À DERIVA
21/10/2009

O pasado 7 de Outubro, un tribunal siciliano absolveu Elias Bierdel, Stefan Schmidt e  Wladimir Dschkewitsch, acusados de colaborar con emigrantes ilegais por teren axudado en 2004 a chegar a Sicília 37 refuxiados que navegan à deriva, delito castigado con até 4 anos de prisión e multa de 400.000 euros.
Os imputados foran detidos ao chegar a terra despois de pasaren duas semanas à espera de permiso para atracar.
As organizacións Cap Anamur e Pro Asyl, que desenvolveron unha campaña internacional a favor da absolvición dos tres imputados, mostraron a sua satisfación pola sentenza absolutória.

Mais información aqui.

Ler o artigo completo


RELATÓRIO SOBRE A LIBERDADE DE PRENSA NO MUNDO
21/10/2009

“A Europa, que foi durante muito tempo un exemplo em matéria de respeito pola liberdade de prensa”, recuou na lista, contabilizando apenas 15 países na lista dos 20 primeiros clasificados, contra os habituais 18, sublinhan os RSF que acaban de publicar o seu ranking anual.

"É perturbante constatar que democracias europeas como a Franza, Itália e Eslováquia teñen vindo a cair sistematicamente de posición no ranking, ano após anos", frisou o secretário-xeral da RSF, Jean-François Julliard.

Portugal caiu do posto 16 para o 30 e o Reino de España baixa até o lugar 46 da lista que encabeza Dinamarcha e encerra Eritrea.

Mais información aqui.

 

Ler o artigo completo


DO CENTRO DE SAÚDE CONCEPCIÓN ARENAL
20/10/2009

Miguel Fernández Blanco, en representación do Foro Galego da Inmigración, dirixiu o pasado 19 de Outubro escrito à Dirección do Centro de Saúde Concepción Arenal reclamando explicacións sobre a atitude de Dna. Mercedes Fernández López, pediatra dese centro, que atendeu un neno de orixe ecuatoriana.

As reticéncias que manifestou abertamente para atender o paciente, a sua insólita decisión de avisar os servizos de seguranza do centro, os comentários que acompañaron a sua actuación, levou o Foro a solicitar unha entrevista con os responsáveis para evitar que no futuro podan repetir-se comportamentos discriminátorios.

Ver aqui o texto da carta.

Ler o artigo completo


DEFENSA DA DEFENSA
20/10/2009

A Comisión Defensa da Defensa da Asociación Libre de Abogados (ALA) fixo público o pasado dia 14 de Outubro un comunicado sobre a intervención e gravación de conversacións entre un interno imputado no chamado 'Caso Gürtel' e un dos seus advogados (realizadas por orde xudicial) e sobre as reaccións do Consello Xeral de Advogacia perante este feito.

O interesante documento pode consultar-se aqui.

Ler o artigo completo


DESPOIS DE UN MES SEN ESCOLARIZAR
16/10/2009

"A xefatura territorial de Educación de Lugo resolveu o pasado 13 de Outubro o primeiro conflito surxido en Lugo sobre o uso do véu islámico na comunidade escolar. A administración tivo que pronunciar-se sobre o caso de unha aluna de relixión musulmana escolarizada nun centro da capital que levava un mes sen asistir às aulas despois de que a dirección do centro lle comunicase que non podia asistir con o véu. A aluna negou-se a tirar o pano con que cobre a cabeza porque 'non é unha gorra ou un piercing' senon que ten sentido relixioso", indica o proxenitor, e desde aquela non voltou à escola. Finalmente Educación decidiu permitir que a xoven asista con véu", informa El Progreso.

Ler o artigo completo