OPACIDADE DO TRIBUNAL QUE XULGOU SLOBODAN MILOSEVIC
12/02/2009

A causa contra Florence Hartmann, portavoz da Fiscal do Tribunal Penal Internacional para a ex-Xugoslávia Carla del Ponte durante o período 2000-2006,  será vista este mes. Hartmann está imputada por un delito de revelación de información confidencial relativa ao proceso seguido contra Slobodan Milosevic no seu libro Paz e Castigo.

A ex-portavoz, mui crítica con a composición, funcionamento e resultados da corte internacional, nega os cargos e afirma que a información foi recollida no exercício da sua profisión como xornalista. Trata-se, manifesta, de un atentado contra a liberdade de expresión e a transparéncia na tentativa de esconder a corrupción e cumplicidades da equipa de Carla del Ponte.

Mais información aqui e aqui.

Ler o artigo completo


A ITÁLIA DE BERLUSCONI
08/02/2009

Dez imigrantes tiveron que ser atendidos durante a noite do 6-7 de Febreiro no ambulatório de Lampedusa por tentativa de suicídio. Alguns engoliran parafuso e láminas de barbear, outros tentaron esganr-se. Un deles tivo que ser ingresado de urxéncia en Palermoa causa das profunda feridas que apresentava na tráquea. Esta desesperada acción colectiva foi motivada polo anúncio de expulsión decidido polo ministro de interior Roberto Maroni.

O dia 7, un grupo de tunesinos inicou unha folga de fame.

Mais información sobre a situación en Itália aqui.

Ler o artigo completo


DENÚNCIAS CONTRA ISRAEL POR CRIMES DE GUERRA
06/02/2009

"O Tribunal Penal Internacional (TPI), com competência para julgar crimes de guerra, anunciou uma investigação preliminar sobre o bombardeio de Israel contra o território palestino de Gaza.

Esta corte do sistema da Organização das Nações Unidas, com sede na cidade holandesa de Haia, resolveu abrir uma pesquisa preliminar depois que a Autoridade Nacional Palestina (ANP) reconheceu sua autoridade sobre os territórios da Cisjordânia e de Gaza. Prevê-se uma dura discussão legal sobre a jurisdição do TPI sobre Gaza, tão complexa quanto à referida legalidade da campanha israelense nesse território à luz do direito internacional.", informa InterPress.

Pola sua parte, o Tribunal Internacional sobre a Infáncia afectada pola Guerra e a Pobreza prepara un relatório sobre as aproximadamente 500 mortes de menores da operación "Chumbo fundido".

Tamén a Campaña Mundial Multilingüe vai solicitar à Corte Penal Internacional que xulgue Israel por crimes de guerra e activistas israelitas peden, na páxina "Os mais buscados", que se apresenten denúncias en todos os países e que, unha vez admitidas a trámite, se emitan ordes de busca e captura como se fixo no caso do ex-militar sionista Doron Almog. En 2005, Hikman & Rose denunciaron-no por crimes contra a humanidade e desde aquela, Almog non pode descer do avion en Gran Bretaña porque o espera a polícia a pé de avión, informa Diagonal.

Ler o artigo completo


A prostituición será ilegal en lugares públicos
06/02/2009

 
"O Consello de Ministros de Italia deu luz verde ao proxecto de lei no que se introduce o delito de prostitución e prevese a pena de cárcere tanto para quen a exerce como para os clientes.

O proxecto de lei, que foi presentado pola ministra de Igualdade de Oportunidades, Mara Carfagna, se é adoptado, cambiará a actual regulamentación, aprobada fai 50 anos e que aboliu o delito de prostitución e decretou o peche dos prostíbulos.

Para Carfagna, a prostitución é ''un fenómeno vergoñoso que está directamente conectado coa escravitude, o uso e abuso de menores e a violencia contra as mulleres''.

Máis sancións

As principais novidades desta medida serán a tipificación do delito de prostitución nas rúas ''e lugares públicos en xeral'', xa que ata agora non era ilegal exercela, e decreta penas aos clientes das prostitutas.", informa Galiciae.

Mais información aqui.

Ler o artigo completo


NOVO PACOTE DE MEDIDAS DE BERLUSCONI
06/02/2009

"Os médicos italianos poderán denunciar ante o xuíz aos inmigrantes ilegais aos que atendan nos centros sanitarios. Segundo sinala este xoves o diario La Repubblica, durante unha acalorada discusión sobre a Lei de Seguridade, o Senado de Italia aprobou unha emenda da liga Norte que anula a norma pola cal os médicos non deben denunciar aos estranxeiros que recorran á rede sanitaria pública.

A emenda foi aprobada con 156 votos a favor, 132 en contra e unha abstención. Péchase así o paquete de seguridade que o presidente do país, Silvio Berlusconi, prometeu durante a súa campaña electoral: inmigración é sinónimo de delincuencia, ser clandestino será delito e quen non o denuncie converterase en cómplice. Por este motivo, os médicos estarán obrigados a avisar ás autoridades cando un indocumentado visite a súa consulta.", informa Galiciae.

Ler o artigo completo


O Relator da ONU mostra-se preocupado
06/02/2009

"O Relator Especial da ONU para a Promoción dos Direitos Humanos e as Liberdades Fundamentais na Luita contra o Terrorismo, Martin Schenin, acaba de remeter un novo relatório sobre a sua "Misión a España". Alén de avondar en aspectos xa recollidos noutros documentos, como o de 27 de Outubro, fai expresa mención da sua alarma pola vaguidade de determinados artigos da Lei de Partidos que permiten unha extensión das ilegalizacións, ao tempo que dá a entender que os procesos de vetos de formacións políticas e agrupacións eleitorais non ofererecen suficientes garantias procesuais, o que reveste particular interese neste momento preeleitoral en que están en marcha diversos mecanismos xudiciários para impedir que duas candidaturas podan concorrer às urnas o 1º de Marzo", informa Gara.

 

 

Ler o artigo completo


Relator Especial da ONU
05/02/2009

Martin Scheinin, Relator Especial sobre a promoción e protección dos direitos humanos e as liberdades fundamentais na luita contra o terrorismo, visitou o reino de España entre o 7 e o 14 de Maio de 2008, convidado polo governo. Examinou diversas cuestións con o fin de avaliar se as medidas antiterroristas afectan os direitos humanos.

O pasado mes de Decembro fixo público o relatório que pode ler-se aqui.

Ler o artigo completo


Tratado bilateral Itália-Líbia
05/02/2009

O Observatório Fortress Europa solicita apoio para a campaña que desenvolve contra a aprovación do Tratado bilatieral de amizade, relación e cooperación entre Itália e Líbia, país ao que Itália expulsa imigrantes en situación irregular e onde son vítimas de arrestos indisriminados, deportacións masivas, tortura, traficantes en conivéncia con a polícia, etc.

Fortress Europa solicita que se abra unha investigación imediatamente e se envie unha misión internacional para pór fin a estes abusos.

 

Asinar aqui .

 

Ler o artigo completo


ACESO À INFORMACIÓN
05/02/2009

O pasado 14 de Xaneiro, o Ombudsman europeu,  P. Nikiforos Diamandouros, aprovou unha Resolución en que urxe a Comisión Europea a facer público o rexisto completo dos documentos que emite e recebe. A iniciativa de Diamandouros ven dar resposta à queixa apresentada pola asociación británica Statewatch no ano 2006.

Hai mais de dous anos, Statewatch denunciara o incumprimento reiterado da Comisión do disposto no Art. 11 do Regulamento de aceso público aos documentos da UE. (1049/2001), que obriga a dar a coñecer a relación completa dos documentos que obran no seu poder. A Comisión alegou dificuldades por os diferentes departamentos utilizaren sistemas mutuamente incompatíveis, mais estes argumentos non convenceron o Ombudsman que entende que o incumprimento das obrigacións legais constitui un caso claro de má administración.

Mais información aqui.

Ler o artigo completo


TORTURA EN GUANTÁNAMO
05/02/2009

Dous xuíces do Tribunal Superior de Inglaterra e Gales acusan os EUA de ocultar provas sobre a presumível tortura a Binyam Mohamed, prisioneiro en Guantánamo. Mohamed xa gañara unha batalla legal o ano pasado ao conseguir que o governo británico fose obrigado a desclasificar documentos que demostran que as supostas provas contra el foran obtimdas mediante tortura, informa Galicia Diario.

A auto sugire tamén que o governo británico poderia ter sido cúmplice desas torturas.

 

Ler o artigo completo